غرف جلوس دائرية

إذا كنتِ من محبي التجديد وممن يواكبن الموضة والحداثة في الديكور، فعليكِ الخروج عن التقليدية والنمطية في الأثاث، فبدلاً من الشكل المعتاد للكنب يمكنكِ اختيار كنبٍ دائريّ، إليكِ غرف جلوس دائرية:

 

 

 
 

 

 

 

 

 

 

 

إقرأ المزيد... Résuméabuiyad

طبق الأرز بالجمبري والكاري

 

المقادير:
كوب أرز بسمتي
½ كيلو جمبري كبير
ملعقة كبيرة زيت زيتون
بصلة كبيرة مقطّعة مكعبات صغيرة
2 ثمرة جزر مقطّعة مكعبات صغيرة
2 ملعقة صغيرة كاري
فصّين ثوم مفرومين
ملح وفلفل
½ كوب أوراق ريحان أخضر (للتزيين)

الطريقة:
1- قشّري الجمبري ونظّفيه كويس، وتبّليه بالملح والفلفل.

2- سخّني الزيت في طاسة كبيرة على نار متوسطة، وشوّحي فيها البصل والجزر وقلّبيهم لمدة من 6 : 8 دقائق لغاية ما البصل والجزر يستووا وتحسّي إن الجزر بقى طري.

3- بعد كده ضيفي عليهم الثوم والكاري، واستمرّي في تقلبيهم مع بعض على النار لمدة دقيقتين.

4- بعد كده ضيفي الأرز ومعاه كوب ونصف ميه ونصف ملعقة صغيرة ملح ونصف ملعقة صغيرة فلفل أسود، وقلّبي الخليط لغاية ما يبدأ في الغليان، وبعد كده قلّلي درجة الحرارة وغطّي الطاسة كويس، وسيبي الأرز على نار هادية لمدة 15 دقيقة.

5- بعد كده ارفعي الغطاء من على الأرز، واغرسي فيه الجمبري، وغطّي الطاسة مرة تانية، وسيبيهم على النار لمدة 4 : 5 دقائق، أو لغاية ما تحسّي إن الجمبري استوى، وبعد كده اغرفي الأرز في أطباق التقديم، وزيّنيه بأوراق الريحان الأخضر.. وبالهنا والشفا.

إقرأ المزيد... Résuméabuiyad

أزياء 2013 للمحجبات

 

 

 

 

 

 

إقرأ المزيد... Résuméabuiyad

تشيز كب كيك بالليمون

 

مقادير طبقة البسكويت:
2½ كوب بسكويت سادة مفروم
6 ملعقة كبيرة زبدة سايحة
¼ كوب سكر

مقادير طبقة الكريمة:
½ كيلو جبنة كريمي (ممكن تستخدمي جبنة كيري)
كوب كريمة مخفوقة
¼ كيلو لبن

مقادير صوص الليمون:
½ كوب سكر
½ كوب مية
1½ ملعقة كبيرة نشا
2 ملعقة كبيرة عصير ليمون

الطريقة:
1- لتحضير طبقة البسكويت، دقّيه أو اطحنيه في الكبة، وبعد كده ضيفي عليه الزبدة والسكر، واخلطيهم كويس مع بعض، وابدئي وزّعي الخليط ده في قوالب الكب كيك.

2- لتحضير الكريمة، اخفقي الجبنة الكريمي مع اللبن والكريمة، ووزّعي الخليط ده فوق طبقة البسكويت في القوالب.

3- لتحضير صوص الليمون اخلطي السكر مع النشا ودوّبيه مع المية وعصير الليمون، وحطّي الخليط ده على نار هادية مع التقليب المستمر، لغاية ما الخليط يبقى كثيف ويتقل معاكي، وبعد كده ارفعيه من على النار وسيبيه يبرد شوية، وابدئي وزّعيه على قوالب الكيك.

4- دخّلي القوالب في الثلاجة، وسيبيها لمدة 12 ساعة أو أكتر، وبعد كده طلّعيها وممكن تزيّنيها بالكريم شانتيه وبشر الليمون.. وبالهنا والشفا.

إقرأ المزيد... Résuméabuiyad

ماسكات بالزيوت الطبيعية لشعر أتقل وأطول

ماسك زيت الخروع بالثوم لتساقط الشعر
المقادير:
كوب زيت خروع
راس ثوم مفرومة بقشره

الطريقة:
- اخلطي كوب زيت الخروع مع راس التوم بعد ما تفرميها، ولكن لازم تكون بقشرها، وسيبيهم في زجاجة لمدة من شهر لـ3 شهور، لحد ما يتعتّق وبعدين صفّيه، واستخدميه على جذور الشعر بعد ما تغسليه، بشكل منتظم جدا؛ لأنه زي المضاد الحيوي لازم تثّبتي مواعيد استخدامه؛ سواء هتستخدميه مرة أو مرتين في الأسبوع.

ماسك زيت السدر لتطويل الشعر
المقادير:
5 ملعقة كبيرة زيت السدر
ملعقة كبيرة زيت اللوز الحلو
ملعقة كبيرة زيت جوز الهند
ملعقة كبيرة زيت الكاموميل
3 ملعقة كبيرة زيت جرجير
ملعقة كبيرة زيت خروع
ملعقة كبيرة زيت زيتون
ملعقة كبيرة زيت الثوم

الطريقة:
- ضيفي مجموعة الزيوت على بعضها وقلّبيها كويس، وحطّيها في زجاجة، واستخدميها كماسك لشعرك مرة أو مرتين في الأسبوع، وحطّيه على شعرك لمدة ساعتين على الأقل، وهتلاحظي النتيجة بعد شهر من المداومة عليه؛ لأنه بيساعد جدا على تطويل الشعر ولمعانه وتغذيته.

ماسك زيت السدر وزيت الصبار لعلاج قشرة الشعر
المقادير:
ملعقة زيت صبار
ملعقة ونصف زيت السدر

الطريقة:
- اخلطي الزيوت على بعضها كويس أوي، وحطّيها على شعرك لمدة ساعة أو ساعة ونص مرتين في الأسبوع، وده بيعالج القشرة وبيغذّي الشعر وبيساعد على تطويله.

ماسك لبن جوز الهند لعلاج تساقط الشعر
المقادير:
ليمونة
3 ملعقة كبيرة لبن جوز الهند

الطريقة:
- اعصري الليمونة على لبن جوز الهند، وقلّبيهم مع بعض كويس جدا، وحطّيهم باستخدام فرشاة الصبغة على فروة راسك، لحد ما تتأكّدي إنك حطيتي على كل جزء من شعرك، واقعدي بيه لمدة ساعة واشطفي شعرك.

 ماسك المريمية لتغميق لون الشعر
المقادير:
2 ملعقة كبيرة مريمية مطحونة
3 ملعقة كبيرة زيت المريمية
ملعقة كبيرة زيت الجرجير
ملعقة كبيرة زيت الزيتون
ملعقة كبيرة زيت السمسم

الطريقة:
- اخلطي المكوّنات على بعضها، وحطّيها في زجاجة، وسيبيها لمدة أسبوع أو 10 أيام، وبعدها استخدميه على فروة راسك وشعرك لمدة 3 ساعات مرتين في الأسبوع لمدة 3 أو 4 شهور، وهتلاحظي فرق كبير في لون شعرك.

 لوسيون الليمون للبشرة والشعر
المقادير:
¼ كوب ماء
بشر ليمونة كبيرة

الطريقة:
- اغلي بشر الليمون في الميه غلوتين ، واحتفظي بيه كلوسيون في زجاجة في التلاجة، وتقدري تستخدميه لشعرك ولفروة راسك، وسيبيه لمدة ربع ساعة واشطفي شعرك، وبالنسبة للبشرة فممكن تستخدميه كقابض للمسام، وكمان ممكن تعملي بيه مساج لبشرة جسمك، وبعدين تشطفيه.

إقرأ المزيد... Résuméabuiyad

اعملي "بوتكس" طبيعي لبشرتك مع الحلبة وجنين القمح

ماسك الأرز والبرتقال لتفتيح البشرة
المقادير:
ملعقة كبيرة أرز مطحون
عصير نصف برتقالة

الطريقة:
اخلطي المكونات دي مع بعضها، وقلّبيهم كويس، وبعد كده افردي الخليط ده على بشرتك بعد ما تغسليها كويس.

لو بشرتك دهنية أوي أو مختلطة مائلة للدهنية ممكن تضيفي عصير نصف ليمونة ونصف ملعقة كبيرة عسل نحل على الخليط السابق، وبعد كده استخدميه على بشرتك وسيبيه لمدة من 30 دقيقة، وبعد كده اشطفي وشكك بالميه العادية.

أما بقى لو بشرتك حساسة أو جافة، يبقى بتضيفي نصف ملعقة صغيرة زيت لوز حلو على خليط عصير البرتقال والأرز، وبعد كده افردي الخليط على بشرتك، وسيبيه لمدة 30 دقيقة، وبعد كده اشطفي بشرتك كويس.

الماسك ده من الحاجات اللي ممكن تعمليها بسرعة لو عندك مناسبة؛ لأنها بتعمل نتيجة هايلة جدا وفي وقت سريع وبتعطي للبشرة نضارة ولمعان طبيعي.

خل الورد
خل الورد من الحاجات المفيدة جدا للبشرة، اللي بتدّيها نضارة ولمعان.

المقادير:
خل أبيض
ورد بلدي

الطريقة:
هاتي برطمان زجاجي واملي نصفه بالخل الأبيض، وبعد كده انقعي فيه كمية مناسبة من أوراق الورد البلدي، وبعد كده غطّي البرطمان واحتفظي به في مكان دافي أو في مكان مشمس، وسيبيه لمدة من 3 أسابيع إلى شهر.

ماسكات طبيعية لامتلاء الوجه

 

ماسك الحلبة
المقادير:
3 ملعقة صغيرة زيت حلبة
ملعقة كبيرة زيت خروع
ملعقة صغيرة زيت عنبر

الطريقة:
اخلطي الزيوت دي كلها مع بعضها في برطمان زجاجي صغير، وممكن تحتفظي به وتستخدميه من مرة لمرتين في اليوم، بس راعي إنك ترجي البرطمان كويس قبل الاستخدام، وبلاش توزّعي الزيوت دي عند منطقة العين.

الماسك ده بيساعد على امتلاء الوجه والخدين، وكمان بيعمل على امتلاء التجاعيد الرفيعة اللي بتكون موجودة على البشرة.

ماسك بزيت جنين القمح
المقادير:
3 ملعقة صغيرة زيت جنين القمح
3 ملعقة صغيرة زيت عنبر

الطريقة:
اخلطي الزيوت دي مع بعضها، وحطّيهم في برطمان زجاجي واستخدمي منه مرتين في اليوم بعد ما ترجيه كويس، وبتوزّعيه على بشرة وشك والرقبة لكن تجنّبي منطقة العيون.

إقرأ المزيد... Résuméabuiyad

طاجن الرز بالفراخ

 

المقادير:
2 كوب أرز مسلوق
فرخة مقطّعة إلى 8 قطع
كوب جبنة رومى مبشورة
2 مكعب مرقة دجاج
2 ملعقة كبيرة سمنة
2 كوب كريمة طبخ
بصلة كبيرة مفرومة
ملح وفلفل أسود
حبهان مطحون
ورق لاورا

الطريقة:
1- افركي البصل مع الحبهان والملح والفلفل، وضيفي عليهم الرز واخلطيهم مع بعض كويس وسيبيهم على جنب.

2- دفّي الكريمة على النار وتبّليها بالملح والفلفل والحبهان ومرقة الدجاج، وبعد كده ارفعيها من على النار.

3- حمّري الفراخ على النار مع السمنة وتبّليها بالملح والفلفل والتوابل، وبعد كده ارفعيها من على النار.

3- هاتي الطاجن أو الصينية وادهنيها بطبقة خفيفة من السمنة وضيفي عليها نصف كمية الأرز، وبعد كده رصّي عليها قطع الفراخ وغطّيها بباقي كمية الأرز.

4- اعملي فتحات في طبقة الأرز باستخدام السكينة، وبعد كده صبّي عليها الكريمة لحد ما تغطّي الطاجن كله وفي الآخر حطّي على الوش ملعقة زبدة والجبنة الرومي المبشورة.

5- دخّلي الطاجن في الفرن وسيبيه لحد ما الوش يتحمرّ، وبعد كده طلّعيه وقدّميه ساخن.. وبالهنا والشفا.

إقرأ المزيد... Résuméabuiyad